Don Ramón Búa Otero naceu na Illa de Arousa (provincia de Pontevedra, diocese de Santiago de Compostela), o 28 de abril de 1933.

  Tralos estudos eclesiásticos no Seminario de Tui, trasladouse a Roma, onde foi ordenado sacerdote o 19 de marzo de 1961, e obtivo a Licenciatura en Teoloxía (1962) e en Sagrada Escritura (1964), continuando na Urbe os seus estudos ata 1966.

  De novo na Diocese, desempeñou, de 1966 a 1982, os seguintes cargos: Prefecto de Filósofos e Profesor de Sagrada Escritura no Seminario Maior de Vigo; Delegado Episcopal de Ensino e Catequese, e Asesor relixioso da emisora COPE-Vigo. Desde 1969, Profesor de Relixión do Instituto Nacional Feminino de Ensino Medio en Vigo. En 1972 obtivo, por oposición, a Coenxía Lectoral. Posteriormente (1978), foi nomeado Ecónomo (Administrador Parroquial) de Santa María de Vigo (Concatedral).

  O día 12 de xaneiro de 1982 fíxose público o seu nomeamento como Bispo de Tarazona; a ordenación episcopal e toma de posesión tivo lugar na Catedral de Tarazona o 21 de febreiro de 1982. Oito anos despois, a Súa Santidade nomeouno Bispo de Calahorra e A Calzada-Logroño.

  Por motivos de saúde, houbo de presentar ao Vigairo de Cristo a súa renuncia ao goberno pastoral; renuncia que o Papa aceptou con data 15 de setembro de 2003.

  Nos primeiros días de decembro de 2003, trasladouse a Vigo, fixando o seu domicilio na Residencia Sacerdotal “Nosa Señora da Guía”.

  Enderezo e teléfono: Dr. Corbal 88.- 36207 Vigo. (986 374 647)