Diocese>Museo

Localización: Provincia de Pontevedra. Comarca: O Baixo Miño. Concello: Tui. Parroquia: Tui. Rúa: Praza do Concello

   Está situado no antigo edificio do Hospital de Pobres e Peregrinos inaugurado no ano 1756. Conta con tres plantas, capela e patio interior. A colección permanente consta dunha sección de arqueoloxía con pezas de gran valor histórico como un sarcófago romano, un casco celta do século III - II A.C. atopado en Caldelas de Tui e numerosas pezas arqueolóxicas procedentes de escavacións na zona.

   A sección de Arte Sacra conta con obras procedentes de igrexas da Diocese Tui-Vigo, entre as que destacan a escultura do Cristo románico do século XII ou a arca eucarística do Monumento do Xoves Santo que procede de O Porriño, realizada en prata no século XVII.

   Finalmente na sección de pintura e escultura pódense atopar pezas tan interesantes como a imaxe da Virxe co Neno do século XVI, atribuída a Juan de Juni ou a Virxe da expectación tallada por Alonso Martínez de Montánchez en 1602


   Destacan os cadros da Inmaculada inspirado nas Inmaculadas de Murillo e os retratos dos Bispos dos séculos XIX e XX.

   Entre toda a colección do Museo destacan os "Sambenitos", grandes pezas de tela do século XVII que son a testemuña das penitencias impostas polo Santo Oficio aos herexes reconciliados coa Igrexa. Estas pezas son únicas no Estado Español.

Distancias: Estación de autobuses: 30. Estación do tren: 30. Aeroporto: 30. A Coruña: 169. Santiago de Compostela:107. Pontevedra: 48. Lugo: 199. Ourense 104. Vigo: 30 kilómetros.