Parroquias>Parroquias ordenadas

SANTIAGO O MAIOR (a.1904)
Arciprestado de Vigo Centro

 Igrexa de Santiago o Maior

O templo consta dunha planta de tres naves sen cruceiro, a nave central amosa unha amplitude maior ca as laterais, das que se separa por arcos apuntados. As naves laterais reciben a luz a través de vans de arcos apuntados, mentres que a nave central recibe a luz a través de trilóbulos ou pequenos rosetóns de tracería con tres lóbulos inscritos no seu interior que se sitúan elevados sobre a nave.

A cabeceira presenta unha ábsida poligonal enmarcada nun rectángulo no que se sitúan as sacristías. Tres grandes fiestras oxivais son as que iluminan a ábsida, que cortan o muro verticalmente. Nos pés da igrexa, sobre o pórtico de acceso, sitúase un coro alto.