A Congregación para o Clero presentou unha carta dirixida aos bispos do mundo na que recorda que o Ano Sacerdotal, decretado polo Papa Benedito XVI para celebrarse entre o 19 de xuño de 2009 e o 19 de xuño é 2010, é unha ocasión para "redescubrir a beleza e a importancia do sacerdocio e dos ordenados" así como para a promoción das vocacións.

   No texto asinado polo Prefecto desta Congregación e o Secretario, Cardeal Claudio Hummes e Mons. Mauro Piacenza, respectivamente, invítase a celebrar o Ano Sacerdotal, no 150 aniversario da morte do Patrón dos Párrocos, San Juan María Vianney, en todas as dioceses, promovendo celebracións análogas ás do Santo Pai en Roma, en toda as catedrais, santuarios e igrexas significativas de todas as dioceses cos sacerdotes e fieis.

   A carta sinala tamén que este ano xubilar é unha ocasión para sensibilizar a "todo o pobo santo de Deus: os consagrados e as consagradas, as familias cristiás, os sufrientes; e sobre todo os x´venes que son tan sensibles aos grandes ideais, vividos con auténtico arroxo e constante fidelidade".

   Así mesmo, este ano Sacerdotal será unha ocasión privilexiada "para unha profundización teolóxica-espiritual e dunha misión pastoral, fecunda primeiro que nada para os mesmos sacerdotes, chamados a renovar a conciencia da propia identidade, e en consecuencia, a revigorizar a tensión misioneira que xorde da intimidade divina, do 'estar' co Señor. Fecundidade pastoral que se dilata en todo ámbito e persoa da Igrexa".

   Tras alentar ao uso dos medios de comunicación para anunciar este ano Sacerdotal e as súas diversas iniciativas, así como a consultar o sitio web da Congregación www.clerus.org , a carta insta a non perder de vista que esta iniciativa de Benedito XVI é un evento que "debe ser vivido sobre todo como renovación interior no redescubrimiento xubiloso da propia identidade, da fraternidad do propio presbiterio, da relación sacramental co propio bispo".

   De modo particular, a misiva alenta "que se asegure a 'presenza' de sacerdotes en todos os ámbitos da misión da Igrexa, e que indo ao encontro de quen, sendo bautizados, non están aínda suficientemente evanxelizados".
O texto dado a coñecer por L'Osservatore Romano, precisa ademais que entre as iniciativas deste ano Sacerdotal están a publicación dun Directorio para Confesores e Directores Espirituais; así como unha antoloxía de textos do Papa Benedito XVI sobre algúns temas esenciais da vida e a misión sacerdotal na época actual.