Por tantos

Manos Unidas

Cáritas diocesana. Tui-Vigo

Información>Noticias publicadas

Curso sobre o matrimonio e familia

Impartido por especialistas en cada materia

O Arciprestazgo Vigo - Travesas e a Delegación de Pastoral Familiar organizaron conxuntamente un Curso de Formación sobre Matrimonio e Familia, para profundar na identidade e misión da familia cristiá; dar resposta desde a fe aos problemas aos que actualmente se enfronta o matrimonio e a familia e impulsar a Pastoral Familiar nas parroquias.

Este curso que está aberto a toda a Diocese, desenvolve os contidos do Directorio de Pastoral Familiar da Igrexa en España.

Os destinatarios son: matrimonios ou noivos e cantos estean interesados na problemática da familia cristiá como axentes de pastoral familiar; Escolas de Pais; grupos de matrimonios; movementos familiares e matrimoniais; Profesores de relixión; Catequistas...

O lugar onde se impartirá o curso é a viguesa Parroquia de San Antonio da Florida (José Gil nº 4); o calendario é en martes alternos (cada 15 días) desde o 11 de outubro ao 22 de maio e en horario de 20,30 a 21,30 horas.

Os numerosos relatores son -ademais dos Delegados de Pastoral Familiar, Arturo Carro e Mª Carmen Areas e o Arcipreste D. Francisco Javier Alonso González-, outras persoas coñecidas e especialistas nas materias que impartirán, entre as que enumeramos: situación actual do matrimonio e a familia; educación da sexualidade e a afectividad; formación matrimonial e pre-matrimonial; pastoral familiar; fertilidade humana e fecundidade do amor conxugal; a familia, santuario da vida; a comuñón no amor...

Para inscribirse, acudir ao Curso o día da inauguración ou chamar á Parroquia (986 244 062)

 

Diocese de Tui-Vigo
Dr Corbal, 90 - 36207 Vigo
Tel. 986 375 153 - 986 376 453
bispado@diocesetuivigo.org