O venres 28 de febreiro, ás 19.30 horas, nos locais parroquiais do Inmaculado Corazón de María en Vigo, o secretario emérito do Pontificio Consello para a Pastoral da Saúde do Vaticano, Mons. José Luis Redrado, impartirá a conferencia «Os rostros do sufrimento: Onde está Deus cando a persoa sofre?». Ese mesmo día, pero ás 10.00 horas, tamén ofrecerá o relatorio no Fogar-Clínica Santo Rafael, no marco das actividades con motivo da festa do fundador dos Irmáns de San Xoán de Dios.
A charla abordará o sufrimento na sociedade do benestar, á vez que tratará de dar resposta a cuestións talles como o sentido do sufrimento e a resposta de la Iglesia ante a dor. Tamén analizará por que o home sofre e onde está Deus cando se producen este tipo de situacións.
Sobre José Luis Redrado
Nado en Fustiñana (Navarra) o 19 de marzo de 1936, Fr. José Luis Redrado é irmán da Orde Hospitalaria desde 1954 e o primeiro bispo da congregación. Na actualidade, é secretario emérito do Pontificio Consello para a Pastoral da Saúde do Vaticano. En 1999 Juan Pablo II/II consagroulle bispo titular de Ofena (Italia), converténdose no primeiro Bispo Irmán de San Xoán de Dios.
Ao longo da súa traxectoria foi director da Escola Apostólica de Pamplona, presidente do Secretariado Internacional de Pastoral Sanitaria, xefe do Servizo Relixioso de varios hospitais, director da revista Labor Hospitalaria e redactor xefe de Dolentium Hominum. Foi impulsor da nova Pastoral Sanitaria como membro do Secretariado Nacional de Pastoral Sanitaria da Conferencia Episcopal e como secretario da Pontificia Comisión para a Pastoral dos Axentes Sanitarios.
