O vindeiro domingo, 23 de maio, a confraría do Santiago Apóstolo de Vigo celebrará a festividade da aparición do apóstolo en Clavijo cunha eucaristía presidida polo bispo de Tui-Vigo, Mons. Luís Quinteiro Fiuza, ás 19:30 horas no templo parroquial situado na avenida García Barbón.
Durante a celebración, terá lugar o acto de imposición de medallas aos 5 novos confrades que, desde o domingo, pasarán a formar parte da confraría comprometéndose así a fomentar o culto ao Apóstolo Santiago, estimular a peregrinación na súa dimensión cristiá e prestar atención e orientación aos peregrinos.
Esta confraría, fundada no ano 2000, conta na actualidade con máis de oitenta membros que, ao longo de todo o ano, tratan de promover o culto ao apóstolo, sobre todo, con motivo dos seus tres grandes celebracións: a aparición en Clavijo, o 23 de maio; a solemnidade do Apóstolo, o 25 de xullo; e a translación dos seus restos, o 30 de decembro.
