O mércores 14 de agosto, de 17.30 a 22.30 horas, a capela da Virxe de Liñares acolle a XIII edición do «Mercadillo de Liñares», unha iniciativa promovida co obxectivo de recadar fondos para Cáritas Diocesana de Tui-Vigo que, a través da súa acción social e caritativa, contribúe a mellorar a situación vital de multitude de familias.
Este evento benéfico ofrece ao público diferentes produtos como antigüidades, decoración ou roupa. Ademais, contará cun bar para que os asistentes poidan probar «comidas ricas», tal e como detalla o cartel da actividade; tamén haberá á venda rifas. Todos os beneficios recadados serán destinados a Cáritas.
