20/10/2020

,

San Honorio

A Caridade, capaz de unir a musulmáns e cristiáns

A Caridade, capaz de unir a musulmáns e cristiáns

O pasado sábado, 5 de setembro, don Jesús  Carracero, párroco do Sagrado Corazón de Jesús asistía á inauguración do novo Centro Cultural Islámico de Vigo instalado en Gregorio Espino.

O acto, no que participaron diversas personalidades de organismos públicos, comezou ás once da mañá cun saúdo de portavoz do Centro Islámico,  Abdulraheem  Uzairi. A este saúdo, seguiulle un vídeo representativo das actividades realizadas no centro e a entrega das chaves do propietario do local a  Abdulraheem.

Despois, tocoulle a quenda a don Jesús. O párroco do Sagrado Corazón declarou que foi la Caridad quien nos ha unido a los musulmanes que residen en nuestra ciudad con los cristianos.

Ao longo da súa intervención, este sacerdote diocesano sinalou a importancia de valorar o papel das relixións  ao servizo da caridade, que «nace de su fe y de su culto». De aí, a invitación para recoñecer a importancia dos símbolos, como unha manifestación de «la alegría de la pluralidad, de la riqueza de culturas y tradiciones espirituales»  no marco da crise simbólica e  iconoclasta que estamos a vivir. 

Como a caridade uniu a musulmáns e cristiáns?

Desde fai trinta anos, a parroquia do Sacro Corazón de Jesús ensina castelán aos inmigrantes provenientes de África; moitos deles, musulmáns. A través deste labor social naceron as relacións  ecuménicas entre ambas as comunidades relixiosas.

Durante a pandemia, o párroco percibiu as dificultades económicas de moitos dos mozos que asistían ás clases. Por iso, decidiu poñerse en contacto con  Abdulraheem, responsable da comunidade islámica en Vigo. Xuntos,  cristiáns, musulmáns e evanxelistas, conseguiron axudar ás familias.

Share on facebook
Facebook
Share on twitter
Twitter
Share on email
Email
Share on whatsapp
WhatsApp