O sábado 30 de novembro, a 10.00 horas, no Seminario Maior «San Xosé» en Vigo, a CONFER de Tui-Vigo organiza un retiro de Advento que impartirá a relixiosa Ana María Belén Verísimo García, OP, baixo o lema «Unha luz na noite». O retiro finalizará coa eucaristía que se celebrará ás 16.00 horas.
As comunidades relixiosas interesadas en participar nesta experiencia deben inscribirse a través do número de teléfono 627 645 750 ou a través do correo electrónico tui_vigo.secretaria@confer.es. A inscrición ten un custo de 20 euros que inclúe a comida.
Estes retiros, que se realizan durante os períodos do ano litúrxico de Advento e Coresma —antesala dos grandes acontecementos da fe: Nadal e Pascua—, ofrecen un espazo que axuda a vivir con gozo e esperanza os desafíos e oportunidades da actualidade, tal e como a CONFER pon de manifesto na Programación Pastoral para o curso 2024-2025.
