Con motivo do 80 aniversario da fundación da confraría do Nos Padre Xesús Nazareno do Silencio, Inmaculada Virxe da Amargura e Cristo da fe, o 27 de setembro, ás 20.00 horas, no salón de actos do colexio vigués Compañía de María (O Ensino), a Coral Casabranca de Vigo ofrece un concerto benéfico a favor da confraría. As persoas interesadas en participar poden conseguir entradas na sede da confraría (C/Rogelio Abalde 13, 1º drcha.), ata o 26 de setembro en horario de 17.00 a 19.00 horas.
O 22 de novembro de 1945, o bispo da diocese tudense, monseñor frei José López Ortiz, OSA, aprobou a constitución da confraría do Noso Padre Xesús Nazareno do Silencio, Inmaculada Virxe da Amargura e Cristo da Fe, cuxa primeira sede estivo radicada no colexio do Ensino. No ano 1970, a sede foi trasladada ao templo parroquial de Santiago de Vigo, onde se atopan os titulares da confraría: san Xoán e o Santísimo Cristo da Fe.