29 de Marzo de 2024

,

San Eustasio
29 de Marzo de 2024

,

San Eustasio

A delegación de Pastoral Familiar organiza un Encontro de Familias para descubrir a alegría do Amor

A delegación de Pastoral Familiar organiza un Encontro de Familias para descubrir a alegría do Amor
Foto: Cartel del Encuentro Diocesano de Familias que organiza la delegación diocesana.

O sábado 2 de outubro, ás 11:30 horas, a delegación diocesana de Pastoral Familiar organiza un Encontro Diocesano de Familias no Monte Aloia —en caso de chuvia trasladarase ao Seminario Menor de Tui— para compartir a alegría de ser familia no marco do «Ano Familia  Amoris  Laetitia», convocado polo papa Francisco en decembro de 2020. As familias interesadas en asistir a esta iniciativa poden inscribir a través do correo electrónico pfamiliar@diocesetuivigo.org.

Durante a mañá, o bispo de Tui-Vigo,  Mons. Luís Quinteiro Fiuza, acompañará ás familias durante a eucaristía que se celebrarán ao medio día. Ademais de ter un momento de confraternización das familias co pastor da Igrexa diocesana, os asistentes poderán gozar de xogos entre pais e fillos e, pola tarde, terán a oportunidade de participar nun taller para  discernir os soños de Deus para cada familia particular e tamén para as familias de toda a diocese de Tui-Vigo.

Desde a delegación de Pastoral Familiar lembran que durante toda a xornada haberá que seguir as medidas de seguridade estipuladas polas autoridades sanitarias para previr a propagación da Covid-19; para iso, cada familia deberá levar a súa propia comida

Esta iniciativa quere dar resposta a dúas dos obxectivos do «Ano Familia  Amoris  Laetitia» que propuxo o  Dicasterio para os Laicos, a Familia e a Vida, da Santa Sé: por unha banda fomentar o protagonismo das familias no ámbito da Pastoral Familiar; e, por outra, ampliar a mirada e a acción desta pastoral concreta para que inclúa aos esposos, aos nenos, á xuventude, ás persoas maiores e ás situacións de fraxilidade familiar.

O «Ano Familia  Amoris  Laetitia» comezou o 19 de marzo de 2021 coincidindo co 5º aniversario da publicación da  exhortación  apostólica,  Amoris  Laetitia, que o papa Francisco dedica á beleza e á alegría do amor familiar. Este ano especial concluirá o 26 de xuño de 2022 co X Encontro Mundial das Familias que se celebrará en Roma co Santo Pai.

Facebook
Twitter
Email
WhatsApp