No ano 2024, a delegación de Misións e Cooperación entre as Igrexas da diocese de Tui-Vigo recadou 77.133,90 euros para soster a presenza de la Iglesia católica nos 1.131 Territorios de Misión, nos que se celebra un de cada tres bautismos do mundo. Como cada ano, o terceiro domingo de outubro —este ano será o 19 de outubro— celébrase o Domingo Mundial das Misións, máis coñecido como o Domund, que convoca Obras Misionais Pontificias (OMP), o leito de la Iglesia para o sostemento dos Territorios de Misión.
A diocese de Tui-Vigo agradece a xenerosidade de todas esas persoas comprometidas co Domund que, ano tras ano, contribúe ao sostemento da misión evanxelizadora de la Iglesia.
A diocese de Tui-Vigo conta cun total de 20 misioneiros e misioneiras —13 membros de vida consagrada, 5 sacerdotes e 2 laicos—, que contribuíron co seu labor a mellorar a realidade de países como Arxentina, Bolivia, Chile, Colombia, Madagascar ou Perú, entre outros. Destaca a presenza do bispo de Abancay (Perú), Mons. Gilberto Gómez González, natural de Alveos (Crecente) ou do sacerdote diocesano, natural de Cabral, Gumersindo Domínguez Alonso, que, aos seus máis de 100 anos, continúa a súa misión en Colombia.
España, con preto de 10 mil misioneiros repartido por todo o mundo, é o segundo país que máis colabora co Domund —por detrás de Estados Unidos—, contribuíndo, deste xeito, ao sostemento desas Igrexas novas que, tras ser fundadas por misioneiros, están aínda en crecemento e non son autosuficientes nin humana nin economicamente. Grazas á xenerosidade dos españois, durante o ano 2024, recadáronse 9.673.376,35 euros, mediante os que se puideron financiar 413 proxectos en 179 diocese, distribuídas por 26 países de todo o mundo.
Baixo o lema «Misioneiros de esperanza entre os pobos», Obras Misionais Pontificias lembra que o Domund é a gran oportunidade para unirse e formar parte da misión da Igrexa. Desde a delegación de Misións de Tui-Vigo convida a todos os diocesanos e diocesanas a ser testemuñas deste labor de tres maneiras: unha forma sinxela que é a oración; outra forma de participación activa na misión da Igrexa é a colaboración económica na Xornada do Domund ou ao longo do ano; e, finalmente, convídase a ofrecer o tempo persoal xa sexa como voluntarios ou como misioneiros.
En maio deste ano, o papa León XIV agradeceu a Obras Misionais Pontificias «o seu servizo comprometido, o cal é indispensable para a misión evanxelizadora da Igrexa, como eu mesmo púideno constatar nos anos do meu ministerio no Perú. As Obras Misionais Pontificias son o principal medio para avivar a responsabilidade misioneira entre todos os bautizados e soster ás comunidades eclesiais nas zonas onde a Igrexa é nova».