Baixo o lema «A familia, fonte de esperanza», o 18 e 19 de outubro de 2025, as delegacións de Pastoral Familiar das cinco dioceses galegas organizan un encontro interdiocesano de formación na casa de exercicios espirituais, Via Lucis, en Santiago de Compostela. Nesta ocasión, debido á temática que se abordará, a xornada está dirixida, principalmente, a laicos comprometidos coa pastoral familiar e a penal, a sacerdotes e membros da vida consagrada, pero tamén está aberta a calquera fiel que desexe profundar nestes temas.
A inscrición do encontro ten un custo de 85 euros por persoa ou de 150 euros por matrimonio. As persoas interesadas en solicitar máis información ou formalizar a súa inscrición poden chamar ao número de teléfono: 646 19 33 10.
Con carácter anual, as delegacións de Pastoral Familiar de Galicia organizan un encontro de formación para fortalecer o traballo en rede entre as distintas Igrexas locais e compartir as principais dificultades e retos da súa labor cotiá neste ámbito pastoral. Ademais, este encontro responde a un dos obxectivos específicos da Pastoral Familiar de Tui-Vigo para o curso 2024-2025: promover o encontro e a formación dos axentes de pastoral familiar.
Sobre a formación das xornadas
O encargado de inaugurar estas xornadas de formación será o sacerdote da diocese de Tui-Vigo e formador do Seminario Maior Interdiocesano, Ángel Carnicero Carrera, que realizará unha introdución das xornadas a través da mensaxe da bula de convocatoria do Xubileu 2025, Spes non confundit.
Álvaro Medina del Campo, director de Pastoral do Maior da diocese de Xetafe e ex-presidente nacional de Vida Ascendente, abordará o tema da pastoral dos maiores e presentará algunhas iniciativas respecto diso.
Rodrigo Jesús Carcedo González, profesor titular do departamento de Psicoloxía Evolutiva da Educación da Universidade de Salamanca e director do servizo HIPRIFAM (Servizo de Atención Psicolóxica a Fillos de Persoas en prisión e as súas Familias), tratará o tema da atención ás familias das persoas privadas de liberdade.
Representantes da Al-anon presentarán o seu traballo de apoio ás familias que conviven con persoas afectadas pola enfermidade do alcoholismo.
Finalmente, o domingo, as xornadas serán clausurases co acompañamento a divorciados voltos casar.
