25/02/2021

,

San Cesáreo

A fe deixa pegada en Santa Lucía da Salgueira

A fe deixa pegada en Santa Lucía da Salgueira

O domingo, 13 de decembro, día de Santa Lucía, a parroquia viguesa da  Salgueira dedicada a esta mártir do século IV festexaba o 50º aniversario da súa creación cunha misa presidida polo bispo de Tui-Vigo, Luís Quinteiro Fiuza, ás doce da mañá.

Co aforo reducido a un terzo da capacidade máxima, os sitio sinalizados por cintas vermellas e voluntarios á entrada do templo contando ás asistentes mentres distribuían xel, a parroquia de Santa Lucía da  Salgueira acolleu ao pastor da Diocese que acudiu a presidir a celebración da patroa e do 50º aniversario da súa creación.

Durante a homilía, don Luís Quinteiro declarou que «a fe deixou pegada en Vigo» a través da creación de catorce novas parroquias durante o ano 1970 da man do bispo  Mons. Delicado  Baeza; por iso, explicou o actual bispo, «temos que pedirlle a Deus que esa fe dea froitos na nosa sociedade». Ademais, manifestou a importancia de lembrar as palabras do papa Francisco que, continuamente, reclama cristiáns alegres, capaces de mirar con esperanza o contexto actual.

Finalmente, o párroco Antonio Domínguez Estévez agradeceu a presenza de todas as persoas colaboradoras que garantían as medidas de seguridade durante as celebracións. 

Share on facebook
Facebook
Share on twitter
Twitter
Share on email
Email
Share on whatsapp
WhatsApp