10/12/2022

,

Santa Eulalia de Mérida
10/12/2022

,

Santa Eulalia de Mérida

A música, vacina para a alma

A música, vacina para a alma

A delegación de Pastoral Xuvenil de Tui-Vigo celebra a próxima fin de semana, o venres 16 e sábado 17, unha nova edición do curso de Música e Evanxelización en colaboración coa delegación de Espiritualidade da Diocese de  Coria-Cáceres.

Con motivo das medidas sanitarias estipuladas polo Goberno para frear a expansión da pandemia, este ano a quinta edición do curso desenvolverase o curso vía on-line, a través de  Zoom, colaborando cunha achega de 5 euros en inscrición individual ou 10 euros se é de grupo.

«A música, vacina para a alma»  foi o lema escollido para esta nova edición que conta coa participación de importantes figuras da música cristiá católica, buscando dinamismo, participación e apertura do espírito. Entre eles, destaca a participación de Toño Casado, creador do musical 33.

Mons. Francisco Cerro, anterior bispo de  Coria-Cáceres e actual arcebispo de Toledo, abrirá o curso mentres que o bispo de Tui-Vigo, Mons. Luís Quinteiro, será o encargado de clausurar o curso, seguido do administrador diocesano de Cáceres, Diego  Zambrabo.

Desde ambas as delegacións, animan á participación neste curso marcado polas consecuencias da covid-19, que tamén provocaron unha apertura á esperanza humana e cristiá «sabendo que a melodía da forza, a graza e a Presenza Divina actúan na nosa vida cotiá», explica Juan Rodríguez, delegado de Espiritualidade de  Coria-Cáceres.

Para inscribirse hai que clicar na seguinte ligazón:  BIT. LY/ CMYE21.

Facebook
Twitter
Email
WhatsApp