O vindeiro día 24 de xaneiro celebran os fieis de Nosa Señora da Paz, na Doblada viguesa, a súa festa patronal. Dende o pasado xoves realízase diariamente a novena, na Misa das 19:00h., sendo predicada por distintos sacerdotes que abordan cada día unha temática e intención concretas: os maiores, os pobres, os máis novos, os enfermos, a familia…
Co gallo da festa da patroa téñense organizado diversos actos relixiosos e recreativos no barrio, culminando as festas o día 24 venres, día de Nosa Señora da Paz. Ese día, as Misas oficiaranse ás 10, 11, 13 e 19 horas, esta última presidida polo Bispo da Diocese, quen ao finalizala acompañará tamén aos fieis na procesión polas rúas da parroquia.
