Onte, martes 9 de setembro, celebrouse na parroquia de San Francisco Xavier en Vigo unha misa funeral polo eterno descanso de Chema Tojeira, sacerdote xesuíta, vigués e antigo alumno do colexio Apóstolo Santiago, que, durante máis de 50 anos, desenvolveu o seu ministerio en Centro América. Faleceu o venres 5 de setembro, aos 78 anos de idade, na cidade de Guatemala.
Nado de Vigo (1947), nacionalizado salvadoreño e licenciado en Teoloxía e Filosofía pola Universidade de Comillas. Chegou a Centro América en 1969, onde coñeceu a vida parroquial nas aldeas pobres do país. En Honduras foi director de Radio Progreso e Fundador do ERIC (Equipo de Reflexión, Investigación e Comunicación). Enviado ao Salvador en 1985, asumiu o cargo de Provincial dos xesuítas de Centro América entre 1988 e 1995. Alí viviu en primeira persoa o asasinato dos seus compañeiros e de Elba e Celina e liderou o proceso legal contra os autores materiais e intelectuais do crime. Foi reitor da citada universidade de 1997 ata 2010. Case 33 anos despois, achegámonos á súa persoa que segue ligada ao Salvador, onde hoxe é director do Instituto de Dereitos Humanos da universidade (IDHUCA).
