Como cada ano, o terceiro domingo de xullo, a parroquia de San Miguel de Bouzas celebra a festa en honra ao Bo Xesús dos Aflixidos, que continuará o luns, coa festa en honra á virxe do Carme e a san Telmo e o martes, coa festa a san Pedro pescador. O domingo, ás 12.15 horas, bispo de Tui-Vigo, monseñor Antonio Valín, presidirá a misa solemne na honra ao Cristo.
O domingo 19, festa do Bo Xesús dos Aflixidos, haberá misas ás 10.00, 12.15 e 18.30 horas; e ás 19.30 horas, a imaxe do Cristo percorrerá as rúas de Bouzas en procesión. Ás 12.15 horas, o bispo presidirá a eucaristía que estará animada pola coral polifónica «Rosalía de Castro»; nesta ocasión, a ofrenda realizaraa o maxistrado Germán Serrano Espinosa.
Ao día seguinte, luns 20, ás 20.00 horas, celebrarase a eucaristía en honra á virxe do Carmen e santo Telmo, seguida de procesión marítimo-terrestre. O martes 21, festa de santo Pedro Pescador, haberá misa ás 13.00 e ás 20.00 horas, esta última seguida de procesión co paso da pesca milagrosa.
Desde o pasado 10 de xullo, a parroquia de San Miguel de Bouzas prepárase para celebrar estas festas co rezo do rosario e a novena, todos os días a partir das 19.00 horas. Ademais, do 16 ao 18 de xullo, o sacerdote dominico e presidente da CONFER de Tui-Vigo, o padre Edgardo Quintana, predicará o triduo durante a eucaristía das 19.30 horas.