Do 4 ao 12 de xuño, a comunidade parroquial de Santo Antonio da Florida en Vigo prepárase para celebrar o día grande na honra ao seu patrón, mediante o rezo do rosario e da novena, seguido da eucaristía, ás 09.30 e ás 19.30 horas.
O sacerdote dominico, Edgardo César Quintana, O.P., presidente da CONFER de Tui-Vigo, será o encargado de predicar o triduo solemne durante os días 10, 11 e 12 de xuño ás 20:00 horas.
O xoves 13 de xuño, festa de santo Antonio, haberá misas ao longo de todo o día: pola mañá ás 08.00, 09.00, 10.00, 11.00 e 12.00 horas; pola tarde, ás 18:00 e 19:00 horas. A eucaristía solemne seguida da procesión coa imaxe do santo polas rúas da cidade olívica será ás 20:00 horas. Ademais, como é tradición, tras cada misa, haberá repartición de boliños e flores.
