O martes 17 de decembro, ás 20.45 horas, tras a celebración da eucaristía, a parroquia viguesa de Santo Antonio da Florida organiza un concerto de Nadal, a cargo do Conservatorio Profesional de Música de Vigo, en concreto do grupo de clarinetes. Desde hai varios anos, a parroquia colabora cos alumnos deste centro que, ao longo do ano, preparan diversos concertos en datas sinaladas como Nadal ou Coresma.
A través desta iniciativa, a comunidade parroquial de Santo Antonio da Florida ofrece espazos de encontro que poidan abrir o diálogo entre fe e cultura, á vez que ofrecen oportunidades a mozos músicos de poñer en práctica as súas habilidades favorecendo ademais o seu crecemento persoal e profesional.
