O venres 24 de maio, a parroquia-santuario de María Auxiliadora en Vigo celebrou a festa en honra á súa patroa. Desde primeira hora da mañá e ata a noite, houbo misas no templo parroquial, onde, ás 19 horas, o bispo-administrador apostólico de Tui-Vigo, Mons. Luís Quinteiro, presidiu a eucaristía solemne.
Tras a celebración da eucaristía, nenos e nenas da parroquia portaron a imaxe da virxe, na súa advocación de María Auxiliadora, durante a procesión que percorreu as rúas da cidade olívica, acompañada das imaxes de san Xoán Bosco e santo Domingo Savio, que un grupo de mozos portou durante todo o percorrido.
