Miles de fieis seguiron a procesión do noso Padre Xesús do Silencio polas rúas da cidade olívica, desde a súa saída na parroquia do Sagrado Corazón de Xesús ata a súa chegada Porta do Sol, onde finalizou. Alí, o bispo de Tui-Vigo agradeceu a participación de todas as persoas, confrarías e institucións que fixeron posible a procesión e engadiu: «acompañamos a estas imaxes e con elas a mellor predicación deste Xoves Santo. Foi unha catequese polas rúas da nosa cidade».
En total, nove pasos percorreron Vigo avivando o fervor pola Semana Santa que a pandemia paralizara: «A última cea», «A agonía de Xesús en horto», «O noso Padre Xesús do Silencio», «A flaxelación do Señor», «Ecce Homo», «Xesús cae coa cruz», «O Calvario» —integrado polas imaxes de Xesús crucificado, a virxe María e María Magdalena—, «A Piedade» e «A Virxe da Amargura».
