O domingo 4 de agosto, desde as 19.30 horas e ata as 21.00 horas, a Televisión de Galicia retransmitirá a procesión do Santísimo Cristo da Vitoria, desde a concatedral-basílica de Santa María, situada na zona vella da cidade olívica. O sacerdote e xornalista, Alberto Cuevas, párroco da Nosa Señora da Soidade en Vigo, será o encargado de comentar o evento, xunto ao xornalista Moncho Lemos.
Nesta ocasión, coincidindo co segundo centenario de servizo do corpo de Policía Nacional, portará o estandarte do Cristo da Vitoria durante a procesión, Ramiro José Gómez García, comisario da Policía Nacional de Vigo-Redondela.
O bispo de Tui-Vigo, Mons. Antonio Valín Valdés, presidirá a procesión coa talla do Cristo que percorrerá as principais rúas da cidade olívica. No percorrido, participarán tamén os grupos de baile da Agrupación dos Centros Culturais e Deportivos de Vigo, acompañados pola banda de música Unión Musical de Coruxo, Ao finalizar a procesión, corais de ACOPOVI cantarán ao Cristo en Porta do Sol.
Festividade do Santísimo Cristo da Vitoria de Vigo
Descarga o programa completo dos actos previstos para a festividade do Santísimo Cristo da Vitoria de Vigo.
