«A vida, boa noticia» é o lema que se propón para a Xornada pola Vida 2024, que a Igrexa celebra o 25 de marzo, solemnidade da Anunciación do Señor, pero que este ano, ao coincidir co luns Santo, trasládase ao 8 de abril. A Subcomisión para a Familia e a Defensa da Vida da Conferencia Episcopal Española foi a encargada de elaborar os materiais para a súa celebración e difusión.
Na mensaxe publicada con motivo desta xornada, os bispos de España expoñen a vida como unha boa noticia sempre. Así, afirman, «debe ser recibida e valorada e coidada, desde a súa concepción ata a súa morte natural». A vida non é «un dereito absoluto á libre disposición do criterio humano» é «un don de Dios» e este é o motivo «máis profundo» para que sexa considerada «unha boa noticia». Os bispos distinguen entre o don que «é algo que acollemos porque se nos entrega» e o dereito que «é algo que nós podemos esixir, cos seus límites no caso da vida». Tamén sinalan a diferenza entre agasallo e don. O primeiro, «é algo que se me dá para que dispoña diso como queira», mentres que o don «implica unha tarefa, unha responsabilidade», cunhas implicacións ao comezo, no transcurso e ao final da vida.
