Continuando co programa “Camiño de Esperanza”, D. Luis envíanos unha videomensaxe felicitando o Nadal, dun xeito especial a todos aqueles que están vivindo un momento de dificultade. Lémbranos tamén que é no presebe, arredor da Sagrada Familia, onde o Nadal atopa o seu núcleo: é alí onde “o Neno Xesús recibe a adoración dos sinxelos”, daqueles que deixan un espazo para El no seu corazón. “No portal de Belén”, continúa o Bispo, “está a Vida, está a esperanza; un Neno naceu para nós: o Fillo de Deus”.
Así, o pastor da nosa Diocese convídanos a pedir a gracia e a humildade para achegarnos á ledicia que trae o Neno Deus neste tempo de Nadal.
Podes visualizar o vídeo completo facendo click aquí.
