1/10/2022

,

Santa Teresa del Niño Jesús
1/10/2022

,

Santa Teresa del Niño Jesús

Católicos, evanxélicos, anglicanos e ortodoxos únense en María Nai do Bo Pastor

Católicos, evanxélicos, anglicanos e ortodoxos únense en María Nai do Bo Pastor

Con motivo do  Oitavario pola Unidade dos Cristiáns, a delegación de  Ecumenismo e Relacións  Interconfesionais da Diocese de Tui-Vigo celebrará un acto  ecuménico no que estará presente o bispo, Luís Quinteiro  Fiuza. Será o vindeiro xoves, 21 de xaneiro, ás oito e media da tarde, na igrexa dos irmáns  capuchinos, María Nai do Bo Pastor, situada na rúa Vázquez Varela de Vigo.

Hoxe, luns 18 de xaneiro, comeza a semana de Oración pola Unidade dos Cristiáns, unha cita que cada ano convoca o Pontificio Consello para a Promoción da Unidade dos Cristiáns e a Comisión Fe e Constitución do Consello  Ecuménico de Igrexas, co obxectivo de rezar por unha maior unidade e colaboración entra as diferentes Igrexas presentes no mundo.

No acto, que se celebrará en Vigo, participarán os representantes das diferentes realidades eclesiais que conviven na Diocese: Luís Quinteiro, bispo de Tui-Vigo; Faustino García, pai  capuchino e delegado diocesano de  Ecumenismo e Relacións  Interconfesionais; David Junquera, pastor  evanxélico; Javier Alonso,  presbítero anglicano; e  Damaso Couto, patriarca ortodoxo.

A participación de católicos,  evanxélicos, anglicanos e ortodoxos en Vigo constitúe unha oportunidade para crear unha maior unidade no medio da diversidade destas confesións nun acto que, cada ano, tiña lugar nunha igrexa diferente da cidade para sensibilizar achega do  ecumenismo pero que, nesta ocasión, quedará no templo católico dos  capuchinos debido ás restricións estipuladas para frear a pandemia. Neste sentido, o aforo estará restrinxido a un terzo da capacidade máxima do templo e os asistentes deberán seguir as normas de distanciamento social e hixiene en todo momento.

Facebook
Twitter
Email
WhatsApp