Luns 30 de NOVEMBRO, ás 20 horas
CHARLA – COLOQUIO “ANO SANTO XACOBEO 2021: CAMIÑAR A SANTIAGO CON ESPERANZA”
CONFERENCIANTE:
Mons. JULIÁN BARRIO BARRIO
(Arcebispo de Santiago de Compostela )
Moderador:
Alberto Cuevas
(Sacerdote e periodista)
(aforo limitado a 30 persoas polas restriccións Covid-19)
Na proximidade das celebracións do Ano Santo Compostelán 2021, que terá indubidablemente repercusión universal e do que se farán distintas presentacións en lugares principais de Galicia e do mundo, o CLUB FARO convidou a facelo na nosa cidade ao máximo responsable deste acontecemento espiritual e social, Mons. Julián Barrio Barrio, Arcebispo de Santiago de Compostela.
“Dá que pensar o paradoxo presente de que habemos de saír da nosa terra cando estivemos confinados nas nosas casas, pois é ese espazo habitualmente tan familiar o que agora se nos volve incerteza. Pero habemos de confiar (…) pois aínda que houbese que facelo con restricións, non habemos de botar pola borda o Ano de graza que se nos ofrece para revitalizar a nosa espiritualidade e fortalecer a nosa esperanza”, escribiu recentemente o Arcebispo compostelán.
