O domingo 5 de xullo, o programa da Televisión de Galicia (TVG) Polo camiño da fe emitiu un programa sobre as Xornadas nacionais de Patrimonio Cultural da Igrexa que, nesta ocasión, a Conferencia Episcopal Española organizou na diocese de Tui-Vigo. Entre o 23 e o 26 de xuño, preto de un centenar de expertos de diferentes dioceses de España tiveron a oportunidade de intercambiar experiencias e abordar temáticas de actualidade relacionadas co patrimonio eclesiástico.
Polo camiño da fe é un programa relixioso producido pola provincia eclesiástica de Santiago de Compostela e emitido a través da Televisión de Galicia, todos os domingos, ás 09.45 horas, posteriormente, comeza a retransmisión da eucaristía desde a cidade compostelá, no templo parroquial de San Frutuoso.