O mércores 15 de xaneiro, festividade de san Mauro, a comunidade parroquial de San Vicente de Barrantes celebrou a festa en honra ao santo con misas ao longo de todo o día. Durante toda a xornada, os devotos ofreceron exvotos de cera para pedir a intercesión do santo. Ás doce do mediodía, o bispo de Tui-Vigo, Mons. Antonio Valín, presidiu a eucaristía solemne en honra a este santo do século VI.
Tras a celebración da eucaristía solemne, os devotos, procedentes de diferentes parroquias do Baixo Miño, tiveron oportunidade de venerar a reliquia do santo que custodia a parroquia de San Vicente de Barrantes. Finalmente, a imaxe e a reliquia de santo Mauro saíron en procesión acompañadas dun numeroso grupo de fieis.
