O sábado 15 de agosto, ás 20 horas, na igrexa barroca de San Martiño de Barcia de Mera, «Camerata OSG» ofrecerá un concerto no que interpretarán de Mozart, Dvork e Rosinskij, no marco da XVI edición do Ciclo de Música Relixiosa de San Martiño de Barcia de Mera.
A parroquia de Barcia de Mera, situada no municipio pontevedrés de Covelo , acolle cada verán este ciclo musical que, nesta ocasión, conta cun total de oito concertos programados desde abril ata setembro no que se interpretarán obras de músicos como Mozart, Chopin ou Hans Zimmer, entre outros.
Todas as persoas interesadas en solicitar máis información ou efectuar a súa reserva a cada un dos concertos, poden facelo a través do número de teléfono: 658 627 525.
