O pasado xoves, 8 de outubro, o bispo, Luis Quinteiro Fiuza, reuniuse con gran parte do equipo de responsable dos capeláns dos hospitais de Vigo. Nela participaron: Juan Benito Rodríguez, delegado de Pastoral da Saúde da Diocese; Ildete Magalhaes, sudelegada diocesana e coordinadora da atención do Nicolás Pena; Alegría, coordinadora de Povisa, xunto co seu colaborador durante as fins de semana, Juan José Perea; Víctor Bargiela, coordinador en Meixoeiro, acompañado de dous membros do seu equipo, Fran Cabaleiro e a irmá Rocío; Benito Somoza, Daniel Goberna, José Juan Sobrino e a irmá Adela.
O obxectivo da reunión consistía en expor as novas liñas pastorais no campo de traballo con enfermos, para este novo curso 2020-2021. Neste sentido, buscábase avaliar os recursos humanos e espirituais ante a posibilidade dun novo confinamento ou o empeoramento da situación sanitaria actual.
O delegado diocesano, Juan Benito Rodríguez, explicaba que é importante concienciar acerca da atención aos enfermos, xa que non deixa de ser unha prioridade no Evanxeo. Entre as accións para este ano, destaca a mellora na coordinación da atención de enfermos entre as parroquias e a delegación de Pastoral da Saúde.
O noso bispo, Luís Quinteiro, expresou o seu agradecemento pola proximidade dos capeláns cara aos enfermos e pola súa dispoñibilidade. Tamén exhortou a fomentar o desexo de traballar en equipo, procurando experiencias piloto nas que se expoña a necesidade dunha atención adecuada aos enfermos en hospitais e residencias.
Na foto de dereita a esquerda Víctor Bargiela, Benito Somoza, Benito Guerreiro, D. Luis Quinteiro, Daniel Goberna, Fran Cabaleiro 
Na foto de dereita a esquerda Víctor Bargiela, Benito Somoza, Benito Guerreiro, D. Luis Quinteiro, Fran Cabaleiro 
Na foto de dereita a esquerda Víctor Bargiela, Benito Somoza, Benito Guerreiro, D. Luis Quinteiro, Daniel Goberna
