Cáritas Diocesana de Tui-Vigo presentou esta mañá a súa Memoria de actividades 2025. Nun encontro informativo encabezado por o director da entidade, Alfonso Moreno, e o delegado episcopal de Acción Caritativa y Social, Javier Alonso, analizouse a realidade social do territorio marcada polo que o Informe FOESSA define como «fraxilidade sostida».
Radiografía da exclusión: a vivenda e a precariedade como muros
Durante o exercicio 2025, Cáritas acompañou a 2.645 persoas, beneficiando a un total de 5.084 cidadáns. O director, Alfonso Moreno, destacou que estas cifras reflicten historias marcadas pola inestabilidade habitacional e laboral.
Esta realidade coincide cos resultados do Informe FOESSA 2025 para Galicia, que sitúa a taxa de exclusión social no 12,7% (unhas 342.000 persoas). Con todo, a maior preocupación é o drástico aumento da integración precaria, que xa afecta ao 43,8% dos galegos, unha porcentaxe moi superior á media estatal (35,7%). Segundo FOESSA, a vivenda é o principal factor de exclusión, afectando ao 26,1% da poboación galega.
Resultados da acción integral
A rede capilar de Cáritas, formada por 43 Cáritas parroquiais e 10 interparroquiais, permitiu dar respostas concretas:
- Economía Solidaria: Facilitouse o acceso ao emprego a 61 persoas e sostivéronse 28 contratos de inserción a través da empresa social SCI.
- Sustentabilidade: A través de 670 contedores, recolléronse máis de 2,1 millóns de kg de roupa, vinculando o coidado do medio ambiente coa creación de emprego inclusivo.
- Infancia e Vivenda: O Centro de Atención de Día atendeu a 21 menores, mentres que o Proxecto CLARA ofreceu protección e vivenda a 33 persoas.
Semana da Caridade: encontro e actividades territoriais
A presentación da Memoria enmárcase na Semana da Caridade (do 1 a o 10 de xuño), que este ano reforza a súa dimensión comunitaria. Dentro da programación destaca o encontro que manterá mañá mércores, día 3 de xuño, o delegado episcopal de Cáritas Española, D. Luís Miguel Rojo Septién, cos sacerdotes da diocese no Seminario Maior de Vigo. O obxectivo é profundar na misión da caridade e a coordinación da rede eclesial.
Así mesmo, a Semana da Caridade estende a súa actividade a Ponteareas , onde se celebrará unha Mesa de Experiencias con Voluntarios o martes 9 de xuño e unha Xornada de Cinema Social o mércores 11, coa proxección da película «Por todo lo alto» no Auditorio Reveriano Soutullo.
Os actos centrais concluirán este domingo 7 de xuño, coincidindo co Corpus Christi, día no que se realizará a tradicional colecta en todas as parroquias a favor de Cáritas Diocesana. Desde a entidade convídase á sociedade para «elixir comunidade».