7/12/2021

,

San Ambrosio
7/12/2021

,

San Ambrosio

# CatequeseComezaNaCasa… E continúa na parroquia

# CatequeseComezaNaCasa… E continúa na parroquia
Foto: © Catequesis de Galicia.

As delegacións de Catequeses de Galicia xa están preparadas para poñer en marcha de novo a Catequese sistematizada nas parroquias despois dun ano marcado pola Covid-19, que condicionou a habitual normalidade do curso pastoral e contribuíu a  redescubrir o fogar como primeiro ámbito de crecemento e maduración da fe e aos pais como primeiros catequistas dos seus fillos.

… E continúa  na parroquia é o lema escollido para este ano en consonancia co proxecto iniciado o ano pasado #CatequeseComezaNaCasa. Por unha banda, o lema pon de manifesto a necesidade de dar unha continuidade parroquial ao proceso de maduración e desenvolvemento da fe iniciado en casa. Por outra banda, mostra a esixencia de que a actividade  catequística ordinaria hase de desenvolver nas parroquias e comunidades.

Para poñer en marcha de novo a catequese nas parroquias, desde Catequeses Galicia publicaron un documento con orientacións de tipo sanitario e pedagóxico-metodolóxico co que axudar a párrocos, catequistas e familias a regresar á  presencialidade, sen abandonar o traballo iniciado nos fogares, esa Igrexa doméstica. Tal e como destaca o documento, o binomio familia e parroquias son imprescindibles e necesítanse mutua e constantemente”.

En definitiva, este ano, o reto da catequese consiste en retomar a  presencialidade para  redescubrir de novo a importancia da dimensión comunitaria, en comuñón co traballo dentro do ámbito familiar.

Cartel do curso 2021-2022

Materiais do curso 2021-2022

Orientacións de tipo sanitario e pedagóxico-metodolóxico para a catequese

Share on facebook
Facebook
Share on twitter
Twitter
Share on email
Email
Share on whatsapp
WhatsApp