A delegación diocesana de Pastoral Vocacional e a CONFER de Tui-Vigo convidan a todos os diocesanos e diocesanas a celebrar a Xornada de Oración polas Vocación e a Xornada de Vocacións Nativas, o mércores 26 de abril, ás 20.30 horas, no templo parroquial do Corazón de María. A continuación, haberá un intre de oración no marco da Oración Xoven que, semanalmente, organiza a Pastoral Xuvenil e Universitaria.
Ademais destes actos presenciais na igrexa do Corazón de María, a delegación de Pastoral Vocacional promove a campaña audiovisual «Atopeite», coa que visibilizar o encontro de diferentes persoas con Xesús, xerme de toda vocación cristiá. Juan Carlos, Josefina, Simpático e Jose, Unai, Cristina, Juan e Sofía conforman este pequeno mosaico que reflicte a importancia de testemuñar, en todas as facetas da persoa, o amor de Deus, que se manifesta no ordinario de cada día.
Coincidindo co «domingo do Bo Pastor», é dicir, o cuarto de Pascua, a Igrexa celebra, de forma conxunta, a Xornada Mundial de Oración polas Vocacións e a Xornada de Vocacións Nativas, baixo o lema «Ponte en camiño. Non esperes máis». A primeira, de carácter universal, pretende suscitar en todos os mozos e mozas a pregunta da súa vocación á vez que convida á comunidade cristiá a promover as vocacións cristiás coa oración e o acompañamento; a segundo, busca soster as vocacións de especial consagración que xorden nos territorios de Misión, para que ningunha delas quédese frustrada por falta de recursos
Xornada Mundial de Oración polas Vocacións e Xornada de Vocacións Nativas
