A comunidade educativa do colexio San Xosé de Cluny en Vigo celebra este ano o 120 aniversario da súa presenza na cidade olívica. Coincidindo coa solemnidade de san Xosé, na tarde do martes 18 de marzo, o bispo de Tui-Vigo, monseñor Antonio Valín, presidiu a eucaristía de acción de grazas na capela do colexio, na que participaron persoal do centro, antigos profesores, AMPA e a Asociación de Antigos Alumnos.
Este encontro, cheo de fe e gratitude, foi unha oportunidade para que lle prelado tudense puidese coñecer as instalacións do centro e o traballo que desenvolven os profesores na aula
As primeiras irmás de San Xosé de Cluny chegaron a Vigo en 1904, aloxándose primeiro nun piso da Rúa Real e trasladándose, ao cabo de dous anos, a García Barbón. A mediados do século pasado, instaláronse na Gran Vía para, finalmente, mudarse á rúa Carballo no ano 2000, co cambio á educación mixta. Na actualidade, son cinco as relixiosas que conforman a comunidade viguesa da orde fundada por Ana María de Javouhey na Borgoña francesa en 1807.
