«O impacto da pandemia en Abancay e a resposta de Cáritas» é o título de chárlaa-coloquio que organiza a delegación diocesana de Cáritas de Tui-Vigo e que dirixirá o bispo da diocese peruana de Abancay, Mons. Gilberto Gómez González que durante estas semanas atópase na súa diocese natal de Tui-Vigo. O encontro terá lugar no Seminario Maior San Xosé de Vigo ás 18 horas deste xoves 17 de marzo.
Mons. Gilberto Gómez naceu en Albeos (Crecente) en 1952. Foi ordenado sacerdote na diocese de Tui-Vigo, da que é oriúndo, en 1975. Ao pouco de recibir o sacramento da Orde Sacerdotal inscribiuse na Obra para a Cooperación Sacerdotal Hispanoamericana trasladándose a Abancay como misioneiro. En 2002, o papa Xoán Paulo II nomeouno bispo auxiliar de Abancay e titular de Mozotcori; a partir de 2009, foi bispo residencial desa mesma diocese peruana. A súa dedicación a Abancay non impediu nunca que manteña un vínculo efectivo e cordial con Tui-Vigo.
