O venres 22 de abril, ás 20:30 horas, o Cinema Salesianos de Vigo estrea a película Misterio no Pazo, que produciu BocoVision ProduCinema en Galicia e que quedou no cuarto posto no Sundance Independent Amateur Film Festival de 2022. A entrada será gratuíta ata completar aforo.
O equipo artístico e técnico asistirá á estrea para comentar coas asistentas algúns dos momentos máis curiosos e sorprendentes da rodaxe dunha longametraxe de misterio e aventura que envolve aos personaxes no ambiente dun Pazo, no que a amizade e o compañeirismo conxúganse con aventura para poder desvelar os segredos ocultos no lugar.
Misterio no Pazo é unha película de cinema amateur, cinema independente e cinema espiritual, rodada no Pazo de Torres Agrelo, Redondela e Vigo; e interpretada por mozos de Moreira (Ponteareas), Vigo, Ourense e Santiago de Compostela. O venres 22 de abril, estrearase a versión en castelán, a pesar de que cada escena foi rodada, á vez, en galego e castelán.
Antes proxectarase o curto Permission to dance, the emotion do grupo de K-pop BTS e mozos de Ponteareas (Pontevedra), que se proxectou no Concerto “Permission to dance” dos BTS na cidade dos Ángeles (USA).
