A primeira sesión do novo ano de « Coloquios na Soidade», que terá lugar o xoves 30 de xaneiro ás 20.00 horas, na Biblioteca Eijo Garay, foi encomendada ao profesor Guillermo Juan Morado para abordar, ensamblados, dous temas que son efemérides e actualidade neste ano 2025: o ano xubilar, que a Igrexa celebra cada 25 anos, e o fondo histórico e teolóxico do credo cristián elaborado hai 1700 anos, no primeiro concilio de la Iglesia católica (Nicea ano 325).
A charla do profesor Guillermo Juan parte da explicación do concepto e os costumes do xubileu no antigo testamento bíblico e do xubileu de Xesús, para referirse máis tarde ao Xubileu da esperanza ao que convocou o papa Francisco. Na bula de convocatoria do mesmo, o santo padre fai ampla referencia ao Concilio de Nicea do que celebramos o 1700 aniversario, o que dá pé ao conferenciante para explicitar o fondo histórico das disputas teolóxicas de entón e a realidade actual acerca da fe en Xesucristo.
O profesor Guillermo Juan Morado é sacerdote da diocese de Tui-Vigo, doutor en Teoloxía pola Pontificia Universidade Gregoriana de Roma e Licenciado en Filosofía. Profesor no Seminario Interdiocesano de Santiago de Compostela, director do Centro Teolóxico «San Xosé» de Vigo e párroco de Santo Pablo nesta cidade. Dispón dun blog en InfoCatólica titulado «La Puerta de Damasco».