A Vigairía de Pastoral comezou a articular e organizar o proceso catecumenal para todas aquelas persoas adultas que desexen recibir o bautismo ou a confirmación. Deste xeito, a vigairía ofrece un itinerario catequético que terá unha duración dun curso, coa perspectiva de administrar os sacramentos de iniciación cristiá ás persoas que así o soliciten en Pascua.
As sesións impartiranse nos locais parroquiais de Santa María de Vigo, durante dous venres ao mes —de outubro a abril—, en horario de 20.00 a 21.00 horas: 18 e 25 de outubro, 8 e 22 de novembro, 13 e 20 de decembro, 10 e 24 de xaneiro, 7 e 21 de febreiro, 7 e 21 de marzo e 4 e 8 de abril. Para sumarse a este itinerario catecumenal, as persoas interesadas poden poñerse en contacto a través do correo electrónico: vicariopastoral@diocesetuivigo.org.
Tendo en conta que algunhas persoas poderían ter dificultades para desprazarse, a Vigairía ofrecerá, ao longo do curso, diferentes orientacións para que as parroquias tamén poidan acompañar a estas persoas adultas que desexan achegarse aos sacramentos de iniciación cristiá. Tamén estará disposición de quen o solicite diferentes materiais pedagóxicos para, no caso de que o proceso catecumenal desenvólvase na propia parroquia, seleccionar o que mellor se acomode á situación do catecúmeno.
O 9 de novembro de 2023, o bispo emérito de Tui-Vigo, Mons. Luís Quinteiro, decretaba a institución do catecumenado para as persoas adultas que pedisen ser incorporadas á Igrexa mediante os sacramentos de iniciación cristiá. A través da creación do Secretariado diocesano para o Catecumenado, a diocese de Tui-Vigo ofrece orientacións para axudar ás persoas interesadas neste proceso, a creación dunha «escola diocesana para o catecumenado» ou a elaboración dos documentos e materiais necesarios para este proceso, entre outros labores.