O Cabido Catedralicio de Tui únese á dor da asociación «Amigos da Catedral» e fai seu o comunicado publicado con motivo do falecemento do seu presidente, Eduardo Cadenas Dapena.
Con profundo pesar comunicamos o falecemento do noso presidente, Eduardo Cadenas Dapena, ocorrido na tarde de onte, 15 de decembro de 2025.
Desde a Asociación «Amigos da Catedral de Tui», que presidía desde o ano 2000, unímonos á dor da súa familia, especialmente da súa esposa Dolores Balseiro e os seus fillos, desde a esperanza baseada na resurrección de Xesucristo, que anticipa a nosa e a chamada á vida eterna.
Nunca mellor que os versos do seu parente León Felipe para lembrar ao noso querido amigo Eduardo:
Ganarás la luz.
Volveré mañana en el corcel del Viento.
Volveré ¡y volveré crecido! Entonces vosotros que os estaréis yendo
no me conoceréis. Mas cuando nos crucemos
en el puente, yo os diré con la mano:
¡Adiós, alcabaleros,
centuriones,
sepultureros!…
A crecer, a crecer,
a la tierra otra vez…
al agua,
al sol, al Viento… al Viento…
¡Otra vez al Viento!
Á súa esposa, Dolores Balseiro, e a toda a súa familia e amigos, expresamos a nosa condolencia.
A misa exequial polo seu eterno descanso celebrarase hoxe, martes 16 de decembro, na igrexa parroquial de Santo Francisco de Tui; seguidamente será enterrado no cemiterio municipal. A condución do cadáver levará a cabo ás 16.30 horas desde a sala nº 3 do Tanatorio Pompas Fúnebres do Baixo Miño (Guillarei) ata o templo parroquial.