O venres 22 de novembro, ás 19.00 horas, o salón parroquial da Nosa Señora da Franqueira acollerá a conferencia titulada «A Catedral de Tui na devoción e tradición xacobea», a cargo do licenciado en Xeografía e Historia, Rafael Sánchez Bargiela.
O relator abordará a estreita relación entre a catedral de Tui e o Camiño de Santiago, destacando a súa importancia na devoción e tradición xacobea. Esta charla ofreceranos unha oportunidade para profundar no coñecemento do patrimonio cultural e histórico da diocese de Tui-Vigo, nun momento tan significativo: a proximidade do 800 aniversario da catedral tudense.
