Continúan os actos da Semana Santa de Vigo coa procesión do Venres Santo

Ante os rumores da suspensión da procesión do Venres Santo, a delegación episcopal para a Semana Santa de Vigo, que encabeza Carlos Borrás, quere anunciar que os actos da Semana Santa na cidade olívica previstos para hoxe continúan con total normalidade. Tal e como se anunciou anteriormente, ás 20 horas, sairán simultaneamente as procesións da parroquia do Sacro Corazón de Jesús e da concatedral-basílica de Santa María. Os percorridos poden consultarse na web diocesana.
Previamente á saída das procesións, o bispo de Tui-Vigo presidirá o oficio da Paixón do Señor, na concatedral-basílica, ás 18 horas.