Do 19 ao 24 de febreiro, baixo o lema «Catequistas para servir», a delegación de Catequese da diocese de Tui-Vigo organiza a cuarta sesión das «Escolas de catequistas» deste curso 2023-2024, baixo o lema «Catequistas para servir», co obxectivo de ofrecer formación permanente para novos e veteranos catequistas. Esta iniciativa dá resposta ás propostas do Novo Directorio para a Catequese, publicado polo Pontificio Consello para a Promoción da Nova Evanxelización.
Durante toda a semana, impartirase a mesma sesión formativa, pero en diferentes horarios e zonas da xeografía diocesana para facilitar a participación dos catequistas. A continuación, móstranse os horarios das próximas sesións:
- Luns 19 de febreiro, ás 20 horas, na sala multiusos do Mercado de Sabarís.
- Martes 20 de febreiro, ás 20 horas, no salón parroquial de Santiago de Redondela.
- Venres 23 de xaneiro, ás 20 horas, na igrexa parroquial de San Rosendo de Torneiros..
- Sábado 24 de xaneiro, ás 11 horas, no Seminario Maior de Vigo.
As «Escolas de catequistas», así como as demais citas diocesanas, son unha oportunidade para establecer espazos de formación e encontro entre os diferentes catequistas que, de maneira voluntaria, colaboran na Igrexa de Tui-Vigo convertendo a catequese en «unha experiencia viva da fe», na que é determinante o encontro persoal entre catequistas e catecúmenos, tal e como expresou o papa Francisco en setembro de 2022.
