O bispo de Tui-Vigo, Luís Quinteiro Fiuza presidiu a eucaristía do xoves, 3 de xuño, no templo parroquial do Corazón de María con motivo da Semana da Caridade que, días antes, arrincou coa presentación da Memoria de Actividades de Cáritas diocesana que, ademais, programou diversas actividades para sensibilizar o labor caritativa e asistencial que levan realizando desde hai máis de 50 anos.
«Queremos profundar neste mandato do Señor: abrir as nosas vidas aos irmáns» afirmou o pastor da Igrexa de Tui-Vigo ao comezo da súa homilía na que lembrou as dificultades provocadas pola Covid-19 que tanto desconcertaron a vida, non só social, senón tamén eclesial. Desde este punto de vista, Mons. Luís Quinteiro lembrou a necesidade de «renovar a fe para sentila como unha esperanza marabillosa na nosa vida» que nos convida a realizar pequenos actos capaces de iluminar ao mundo sentindo a chamada e o gozo dunha fe que compromete.
As colectas do 6 xuño estarán destinadas a Cáritas co obxectivo de que así poida continuar desenvolvendo o seu labor e iluminando, con cada pequeno xesto, á comunidade diocesana de Tui-Vigo.
