10/12/2022

,

Santa Eulalia de Mérida
10/12/2022

,

Santa Eulalia de Mérida

Diocese de Tui-Vigo e Xunta de Galicia anuncian o inicio dos traballos para reforzar os usos museísticos da catedral de Tui

Diocese de Tui-Vigo e Xunta de Galicia anuncian o inicio dos traballos para reforzar os usos museísticos da catedral de Tui
El obispo de Tui-Vigo durante la presentación del Plan Catedrais 2021-2027.

Este luns, 7 de marzo, a diocese de Tui-Vigo e a Xunta de Galicia anunciaron o inicio das primeiras actuacións previstas no Plan  Catedrais 2021-2027 que contribuirán a reforzar os usos museísticos da catedral de Tui co obxectivo de revitalizar o templo tudense para o seu oitavo centenario —que se cumprirá no ano 2025— e á celebración do vindeiro ano Xacobeo, previsto para 2027.

Nos próximos días comezarán as obras de mellora da accesibilidade, rehabilitación de cubertas do claustro e da edificación para os usos museísticos exteriores e interiores do Palacio Episcopal, incluíndo a instalación de postos de información, aseos exteriores e terrazas. Deste xeito, poderanse unificar o museo diocesano e o catedralicio nunha única institución capaz de crear unha narrativa na que as obras expostas axuden a comprender o contexto histórico, o conxunto catedralicio, os vínculos con Portugal e a temática da  evanxelización na diocese estendida máis aló das súas fronteiras. Así o explicaron o deán da catedral, José Diéguez  Dieppa, e o bispo de Tui-Vigo,  Mons. Luís Quinteiro Fiuza, quen destacou a importancia do templo tudense como referente do culto e da cultura grazas ás diversas iniciativas que levan a cabo no seu interior —como a Exposición de Camelias ou o proxecto Música non Claustro que acolle a catedral de Tui—.

O bispo de Tui-Vigo, Luís Quinteiro, sinalou que, desde o seu nacemento, a catedral constituíuse como unha ponte de comunicación entre dúas nacións. Segundo explicou o prelado, Tui converteuse nun punto de encontro no que converxen as raíces profundas da diocese e a súa proxección de futuro ao tratarse dun lugar esencial que nos constitúe como pobo e conciencia do que somos.

Para poder levar a cabo todas as obras necesarias de  reacondicionamento da catedral de Tui, o Ministerio de Transportes e Axenda Urbana destinou 675.460 euros —asociados á iniciativa do 1,5% cultural— e o resto do financiamento necesario foi achegada pola Xunta de Galicia e a diocese de Tui-Vigo. En concreto no caso da institución autonómica, a súa achega económica ascende en total a 9,4 millóns de euros cos que revalorizar, impulsar e divulgar o papel deste templo cuxo pórtico alberga unha das primeiras manifestacións do gótico da historia de Galicia.

Facebook
Twitter
Email
WhatsApp