Do 22 ao 24 de novembro, o movemento Cursos de Cristiandade organiza un novo curso no mosteiro franciscano de Santo Diego de Canedo (Ponteareas), para calquera persoa, independentemente da súa clase social e idade. Durante esa fin de semana, presentaranse os contidos doutrinais da fe cristiá a través dun estilo directo e próximo, cun marcado carácter testemuñal, que pode ser suxestivo para a xente de hoxe que pide á Igrexa un anuncio composto de feitos e de palabras.
As persoas interesadas en inscribirse ou solicitar máis información poden facelo na parroquia de Santiago o Maior de Vigo ou ben a través dos seguintes números de teléfono: 607 718 767 (J. Antonio, consiliario); 609 305 006 (Tere); ou 607 423 822 (Abdón).
Cursos de Cristiandade é un movemento eclesial de difusión mundial que actúa no interior de la Iglesia Católica. Con 75 anos de historia en España, realizaron máis de 10 mil cursos e están presentes en 57 diocese. Desde 1957, cando se organizou o primeiro curso para homes, na diocese de Tui-Vigo realizáronse máis de 230 Cursos de Cristiandade —máis de 10 0 mixtos, 90 para homes e 40 para mulleres—; na actualidade, os cursillistas celebran a eucaristía todos os martes ás 19:30 horas na igrexa de Santiago o Maior de Vigo e, a continuación, teñen o seu encontro de formación nos locais parroquiais.
