A diocese de Tui-Vigo suma este novo curso dous novos aspirantes ao sacerdocio que xa se incorporan á nova comunidade do Seminario Maior Interdiocesano (SMI) de Galicia: Ángel Luís Abalde e Francisco Mouriño. O SMI está formado por 23 seminaristas, procedentes das dioceses de Mondoñedo-Ferrol, Santiago de Compostela e Tui-Vigo, que son atendidos por tres formador pertencentes a esas dioceses
Os novos seminaristas son: Ángel Luís Abalde Alonso (Vigo, 1973), licenciado en Ciencias Relixiosas, que traballou durante 23 anos no sector automobilístico e que combinaba cos seus estudos de Filosofía na UNED e como catequista na parroquia de Santa María de Castrelos. Tamén se incorpora ao SMI, Francisco Mouriño Sesar (Vigo, 1970) que durante 20 anos, traballou no sector transportes e participou como voluntario da delegación da Pastoral Penal, acompañando internos no Centro Penal da Lama e no piso que a diocese ten en Vigo para atender a quen sae de permiso e non contan con vinculacións familiares no exterior
Estudando ambos no Seminario Maior de Vigo sendo máis novos, despois dun proceso longo de discernimento, decidiron cada un pola súa conta, deixar os seus traballos actuais e regresar á súa formación como seminaristas para responder á vocación ao sacerdocio que, xa no pasado, manifestar. Así, súmanse á comunidade do SMI como seminaristas de Tui-Vigo, onda os que xa estaban: Juan González e Miguel Fernandes.
O sacerdote tudense e formador do SMI, Ángel Carnicero Carrera, manifestou que o principal reto, agora, é comprender a nova realidade do SMI que «non son tres seminarios, nin tampouco un seminario que concentra a seminaristas, porque cada un dos seminaristas forman parte dunha diocese e serán presbíteros desas dioceses. Trátase de combinar, durante a semana, o traballo e a idiosincrasia do novo centro e, a fin de semana, a pastoral e a experiencia na diocese propia, para que se equilibre moi ben o interdiocesano e o diocesano, que non son opostos, senón complementarios».
