No medio do sufrimento, da migración ou da soidade é posible anunciar a beleza da vida. Así o explicaban Carlos, Nayer, Susana, Maite e Clodomiro ao longo das súas diferentes intervencións durante a mesa redonda, que a delegación de Pastoral Familiar de Tui-Vigo organizou para celebrar a Xornada pola Vida, baixo o lema «A vida, boa noticia».
Tras a mesa redonda, o bispo de Tui-Vigo presidiu a eucaristía no templo parroquial do Corazón de María para celebrar a xornada. Durante a súa intervención, o prelado lembraba que o lema deste ano convídanos a valorar a vida como boa noticia e a coidala desde o principio ata o final. Tras facer referencia á dignidade que ten toda vida, Mons. Luís Quinteiro subliñou a importancia de que os cristiáns falemos da vida desde a alegría e a esperanza, a través do testemuño.
