O pasado martes, 10 de setembro, a delegación de Migracións da diocese de Tui-Vigo se reunión na parroquia de Santa Marta en Vigo, para comezar a preparar as actividades do novo curso pastoral 2024-2025, incidindo especialmente na organización da celebración diocesana da Xornada Mundial do Migrante e do Refuxiado. Co obxectivo de coñecer as diferentes realidades da diocese de Tui-Vigo, o bispo Mons. Antonio Valín acudiu a este encontro para poñer rostro ao equipo coordinador da delegación de Migracións.
Tal e como se especifica na programación pastoral do pasado ano 2023-2024, a delegación de Migracións «é un organismo ao servizo da Igrexa diocesana para acoller, promover, protexer e integrar ás persoas inmigrantes na nosa sociedade civil e eclesial».
